कारी कारी रात मा काली कंकालिन गौरी के रूप धरे आये हे ना

2 बार देखा गया

कारी कारी रात मा काली कंकालिन

गौरी के रूप धरे आये हे ना

शिव शिवानी के किस्सा हे भारी

भेद समझ नई आये हे ना

बेरा बेरा मा लीला धारी हा

अचरित लीला रचाये हे ना

काली माई ला कारी कारी कहिके

भोला हर चिढ़ाये हे ना

धरम के किता काली रूप धारेव

बैरी ला मार गिराये हौ ना

तन अऊ मन ले कुड़त के महतारी

ब्रम्हा के तप मा समाये हे ना

बछरो बछर के तप अऊ बल ले

ब्रम्हा जी हर आये हे ना

मांगो मांगो वर हे शिवानी

वर दे बर मैं आये हौ ना

सरी भेद मरम ला जानथो तुमन हा

बानी ले काला कहौ मैं हां ना

मन के भेद जम्मो जाने ब्रम्हा जी

फेर मुख ले बोलवाये हे ना

कारी कारी कहिथे मोला हे देवा

कारी रूप देहूं बिसराये हो ना

तब ब्रम्हा जी काली माई ला

गोरी नारी रूप दे जाये हे ना

गोरी नारी रूप हा काली के हरे

त्रिभुवन हा मोहाये हे ना

रूप बरन माई के शिव देखे

बईंहा मा लपटाये हे ना

तेखरे सेती कारी कारी रात मां

गौरी गौरा मढ़ाये हे ना

भक्ति मा शक्ति हा परे भरे हे

कांतिकार्तिक हा बताये हे ना

मौनी लाला हा दर्शाये हे ना

तभे देवारी मनाये हे ना

तभे सुरहोती मनाये हे ना

✍ लेखक: -

🎤 प्रस्तुतकर्ता: KOK Creation

संबंधित लिरिक्स