मोर बेटी वो आज ले होगे तैं बिरान
ददा के हिरदय सुन्ना हो
हो परछी अंगना कुरिया सुन्ना
तोर बिन बेटी जग सुन्ना वो
अचरा के छंईहा म बेटी तोला पालेंव पोसेंव
आँखी के पुतरी कस नोनी मैं हर तोला देखेंव
होगे सुन्ना कोरा तोर बिन
छुटत हे परान
मोर बेटी वो आज ले होगे तैं बिरान
दुलौरिन वो आज ले होगे तै बिरान
तैं सगा बरोबर होगे वो बेटी
पहुना बरोबर होगे वो
तैं सगा बरोबर होगे वो बेटी
पहुना बरोबर होगे वो
ददा के होगे करेजा चानी
बरसे आँखी ले पानी
कईसे कटही तोर बिन बेटी
बाचे ये जिनगानी
मोर अंगना के पंछी उड़ागे
छाती म लागे बान
मोर बेटी वो आज ले होगे तैं बिरान
दुलौरिन वो आज ले होगे तैं बिरान
बिधि के इही विधान ए नोनी
बेटी पराया धन हे वो
हो जग के रीति सदा चलत हे
इही मया बंधन हे वो
नव महिना ले गरभ म राखेंव
तोला दूध पिलाऐंव वो
छिन भन नई राखेंव तोला दुरिहा
कोरा म अपन खेलाऐंव वो
छोड़ के अब चल देबे वो बेटी
छुटत हे परान
मोर बेटी वो आज ले होगे तैं बिरान
दुलौरिन वो आज ले होगे तैं बिरान
मोर बेटी वो आज ले होगे तैं बिरान
दुलौरिन वो आज ले होगे तैं बिरान
तैं सगा बरोबर होगे वो बेटी
पहुना बरोबर होगे वो
तैं सगा बरोबर होगे वो बेटी
पहुना बरोबर होगे वो
दुलौरिन वो आज ले होगे तैं बिरान
✍ लेखक: शैल किरण
🎤 प्रस्तुतकर्ता: KK CASSETTE
