मोला बता दे माई मोर का कसुर हे

मोला बता दे माई मोर का कसुर हे

कोनो ताना देके सूनाथे न

कोनो कहीके अनाथ रोवाथे न

दुनिया भर के तोला माँ कहिथे

महुला तोर बेटा बना ले माँ

मोला बता दे माई मोर का कसुर हे

जनम देवैया दाई मरगे लोरी सुनाही मोला

सूत जा रे बेटा सूत जारे लाला कोन कोरा मा सोवाही मोला

भूखन लाँघन तैहर रहिके माई मोला खवावस वो

तैहा भले रो रो रही जावस माई फेर नई रोवावस वो

आज घलो मै रोवत हावव अब तो आजा मोर महतारी

तै तो मिल गे माटी मा अऊ कब आही मोर पारी

मोला बता दे माई मोर का कसुर हे

जन्नत होथे मा के चरण मा माँ चाहे भिखारन हो

मा तवायफ हो या गरीबिन या फिर भूखन लानघन हो

मोर खातिर कतको दुःख झेले मोर तोर ले कम हे

तोर बिना हो बेसहारा अब में अधर और का दम हे

संकट हर संकट हरनी मा महुला तोरे दुलार देदे

सबो देथस तै ममता महुला तोर बेटा के प्यार देदे

मोला बता दे माई मोर का कसुर हे

कोनो ताना देके सूनाथे न कोनो कहीके अनाथ रोवाथे न

दुनिया भर के तोला माँ कहिथे महुला तोर बेटा बना ले माँ

मोला बता दे माई मोर का कसुर हे