लाली लाली चुनरी ले ले ओ

लाली लाली चुनरी ले ले ओ

फिता संग में फुंदरी लेले ना

नवरात मा मैया जी के करले ओ सिंगारी

अंतरा 1

माथ बर टिकली आंखी बर काजर

गर बर लेले ना हार ओ

जइसन मन तोर लागे ओ दीदी

अपन मन के निमार ओ

रेशम धागा सुतरी लेले ओ

आनी बानी मुंदरी लेले ना

नवरात मा मैया जी के करले ओ सिंगारी

कान बर खिनवा नांक फुल्ली

लेले ना वो दीदी सीता

लाली लाली महुरंगी रखेहो

लेले ना वो दीदी गीता

हाथ बर चुरी लेले वो

पांव बर पैरी लेले ना

नवरात मा मैया जी के़़ करले ओ सिंगारी

पावन परब नवरात के

सुग्घर लगे हावै मेला

आरती थारी मा सुग्घर सजाके

चघा ले नरिहर के भेला

मया करही माता सरवेश्वरी ओ

दया करही माता दुर्गेश्वरी ना

नवरात मा मैया जी के करले ओ सिंगारी

लाली लाली चुनरी लेले ओ

फिता संग में फुंदरी लेले ना

नवरात मा मैया जी के करले वो सिंगारी