हे कोरी कोरी नरियर चढ़े
हे कोरी कोरी नरियर चढ़े ये दाई ओ
लाली लाली चुनरी ओढ़े
केरा गांव मा अकोला छांव मा 2
माई बिराजे हे द्वारी खोले
हे कोरी कोरी नरियर चढ़े ये दाई ओ
लाली लाली चुनरी ओढ़े
चैत महिना चुरमा चिंरोजी,
बैसाख बरफी बून्दिया बालुसाही
जेठ जलेबी चुआरी लाडू,
असाड़ महिना अनरसा लाहूं
सावन मा शक्कर पारा
ये दाई ओ सावन मा शक्कर पारा
भादो मां भुजिया भुई मुंग महके,
मन ला मोहे मोर मन ला मोहे
हे कोरी कोरी नरियर चढ़े ये दाई ओ
लाली लाली चुनरी ओढ़े
कुवार मा केशर लाडू बनावे,
कार्तिक करी लाडू काजू खवावै
अघ्हन अरसा ठेठरी गुजिया ला,
पुश मा पेडा पपची चढ़ावे
माघ मा मोहन भोगा
ए मोती चूर माघ मा मोहन भोगा
बारहों महिना बारहों भोगा
लाली चुनरिया संग चुरी चढ़े
हे कोरी कोरी नरियर चढ़े ये दाई ओ
लाली लाली चुनरी ओढ़े
केरा गांव मा अकोला छांव मा 2
माई बिराजे हे द्वारी खोले
हे कोरी कोरी नरियर चढ़े ये दाई ओ
लाली लाली चुनरी ओढ़े
✍ लेखक: -
🎤 प्रस्तुतकर्ता: SB Music Korba
