जावत हे सब ला रोवाके

स्थायी

कईसे करौ मैं हा तोरे बिदाई मां हो हो हो

कईसे करौ मैं हा तोरे बिदाई मां हो

आखरी हो गे नवराते मां जावत हे सब ला रोवा के

हो माता मोर जावत हे सब ला रोवाके

कईसे करौ मैं हा तोरे बिदाई मां हो

अंतरा 1

अंडबड मयारू सही ओ मया तै करतेस ओ

देते अंचरा छईहा तै काबर रोवातेस ओ

बेटी तै बन के मोरे अंगना मा खेलतेस ओ

मोर तै गरीबीन बेटी पसिया तै पीतेस ओ

संसो फिकर लागे जहर पीयायी ओ हो हो

संसो फिकर लागे जहर पीयायी मां

आखरी होगे नवराते मां जावत हे सब ला रोवाके

हो माता मोर जावत हे सब ला रोवाके

कईसे करौ मै हा तोरे बिदाई मां हो

अंतरा 2

तै माता तोर मै लईका मया नई छुटे ओ

कर मोर करेजा चानी चुर चुर ले टूटे ओ

लईका बर तै दीयना बाती करम फल फूटे ओ

तोरे बिन रही नई पाहूं स्वांसा मोर टूटे ओ

लागत हे मोला दाई भारी करलाई हो ओ ओ

लागत हे मोला दाई भारी करलाई मां

आखरी होगे नवराते मां जावत हे सब ला रोवाके

हो माता मोर जावत हे सब ला रोवाके

कईसे करौ मैं हा तोरे बिदाई मां हो

अंतरा 3

अंगना ले कईसे भेजौ तोला महामायी ओ

मर जाहूं रो रो के मैं सुरता कर के दाई ओ

बेटा ला छोड़ कुमाता मुरहा बनाही दाई ओ

हिरदय ला पखरा कर के होगेस पराई ओ

प्रेम बर होगेस दाई रोना रोवाई हो ओ ओ

प्रेम बर होगे दाई रोना रोवाई  मां

आखरी होगे नवराते मां जावत हे सब ला रोवाके

हो माता मोर जावत हे सब ला रोवाके

कईसे करौ मैं हा तोरे बिदाई मां हो हो हो

कईसे करौ मैं हा तोरे बिदाई मां

आखरी होगे नवराते मां जावत हे सब ला रोवाके

हो माता मोर जावत हे सब ला रोवाके