होगे होगे टिकावन के बेरिया
6 बार देखा गया
होगे होगे टिकावन के बेरिया
बेटी हमर जाही पिया के नगरिया हो
होगे होगे टिकावन के बेरिया
बेटी हमर जाही पिया के नगरिया हो
का तोला टिकौ बेटी सोना चांदी
रूपिया हो सोना चांदी रूपिया
तैं मोर हीरा बेटी माटी सरी दुनिया वो
माटी सरी दुनिया
हावै आशीष वो नोनी तोरे दाई ददा के
करै तोला मया बड़ ससुरे अउ
सास ननंदिया वो
होगे होगे टिकावन के बेरिया
बेटी हमर जाही पिया के नगरिया हो
का तोला टिकौ बहिनी महल अटरिया हो
चंदन के पलना
सुरता देवाही बहिनी खेलेन कुदेन अंगना
तोर राखी के बंधना
झन गड़ै काटा बहिनी कभू तोर गोड़ म
पावै आशीष वो बहिनी
जगमग राहै घर दुवरिया हो
होगे होगे टिकावन के बेरिया
बेटी हमर जाही पिया के नगरिया हो
बेटी हमर जाही पिया के नगरिया हो
✍ लेखक: उत्तम तिवारी
🎤 प्रस्तुतकर्ता: KK CASSETTE
