दिये मोला काबर वो दाई कईना के जनम
दिये मोला काबर वो
दाई कईना के जनम
लिखे होबे काबर गा
ददा मोरे फूटहा करम
पांख कटागे प्रभु मोर
उड़व कईसे आगासे म
बांधत हे काबर मोला डोर
बिहा के अईसे फांसे म
दिये मोला काबर वो
दाई कईना के जनम
कहां गंवागे मोरे पोरा अउ चुकिया
कईसे उजड़गे मोर घर गुंदिया
मन के पीरा काला बोलव
कठवा कस पुतरी डोलव
नई हे कोनो मोर सुनईया
नई हे कोनो गा बचईया
कलपत हे मोर बचपन
यही मनखे के धरम
दिए मोला काबर वो
दाई कईना के जनम
संगी जहूंरिया लिखही पढ़ही
पढ़ लिख दुनिया म भाग वो गढ़ही
बाबू मोला कोन पढ़ाही
कोन रद्दा मोला बताही
कईसे सपना पूरा होही
मोर आस के पंछी रोही
काबर पाले हावै सरी देश
बेटी बेटा में भरम
लिखे होबे काबर गा
ददा मोरे फूटहा करम
दिये मोला काबर वो
दाई कईना के जनम
लिखे होबे काबर गा
ददा मोरे फूटहा करम
पांख कटागे प्रभु मोर
उड़व कईसे आगासे म
बांधत हे काबर मोला डोर
बिहा के अईसे फांसे म
दिये मोला काबर वो
दाई कईना के जनम
✍ लेखक: -
🎤 प्रस्तुतकर्ता: KK CASSETTE
