भौजी वो ए भौजी मोर भैया ले रंग लगवाले
भौजी वो ए भौजी
मोर भैया ले रंग लगवाले
मोर भैया ले रंग लगवाले
आगे फागुन होरी तिहार वो
आगे फागुन होरी तिहार वो
हरियर पियर लाली लगवा ले
ए भौजी
हां भैया भौजी के जोड़ी फभत हे
सीता राम जईसे दोनो लगत हे
एक दुसर के दुख ला सहत हे
हांसी खुशी म परिवार चलत हे
बांटे सब ला मया दुलार वो
बांटे सब ला मया दुलार वो
मया पिरीत के डोरी बंधवा ले
ए भौजी
हां पारा बस्ती अउ घरो घर होरी वो
रंग म रंगे हावै नर अउ नारी वो
गोरी हा दिखत हावै निच्चट कारी वो
जुर मिल खेलत हावै संगी संगवारी वो
सरारारा सरारारा पारे गोहार वो
सरारारा सरारारा पारे गोहार वो
नाच के भौजी भैया ला नचा ले
ए भौजी
मया के रंग हा वो कभू नई टूटै
पिरीत के बंधना हा कभू नई टूटै
भैया मनाए जब भौजी हा रूठै
हांसी ठिठोली म जिनगी हा बितै
प्रेम कोसरिया हावै तैयार वो
प्रेम कोसरिया हावै तैयार वो
होरी खेले बर तैं बुलवा ले
ऐ भौजी
आगे फागुन होरी तिहार वो
आगे फागुन होरी तिहार वो
हरियर पियर लाली लगवा ले
ए भौजी
भौजी वो ए भौजी
मोर भैया ले रंग लगवाले
मोर भैया ले रंग लगवाले
✍ लेखक: दुकालू यादव
🎤 प्रस्तुतकर्ता: SUNDRANI
