बरसे मया के घटा संगवारी रे मोर जिनगी संवरगे
बरसे मया के घटा संगवारी रे
मोर जिनगी संवरगे
होगेव मया के दीवानी संगवारी रे
मोर जिनगी संवरगे
का तैं मोहनी खवाये
का तैं जादू चलाये
रग रग म मोर मया बगर गे
तोरे रंग म रंगे हौं संगवारी रे
मोरे जिनगी संवरगे
पी के पिरीत के पानी संगवारी रे
मोर जिनगी संवरगे
तैं आये समाये मोर जिनगी म छाये
मोर दिल म तोर मया उतर गे
बरसे मया के घटा संगवारी रे
मोर जिनगी संवरगे
तोरे रंग म रंगे हौं संगवारी रे
मोरे जिनगी संवरगे
सुख दुख के जिनगानी तोला मानेव
मया के भेद संगी अब मैं हा जानेव
मारे हिलोर संगी सुरता के मारे
मया पीया के बईहा जीव ला ले डारे
भईगे मन म तीही संगवारी रे
मोर जिनगी संवरगे
बरसे मया के घटा संगवारी रे
मोर जिनगी संवरगे
मया के डोरी म बांध डारे मोला
सुरता के डोरी म छांद डारे मोला
मया ल राखे रहिबे झन होबे निरमोही
छूट जही परान अइसन कभू नई होही
होगे मया के अंजोर संगवारी रे
मोर जिनगी संवरगे
बरसे मया के घटा संगवारी रे
मोर जिनगी संवरगे
तोर रंग म रंगे हौं संगवारी रे
मोर जिनगी संवरगे
मोर जिनगी संवरगे
मोर जिनगी संवरगे
✍ लेखक: प्रेम चन्द्राकर
🎤 प्रस्तुतकर्ता: KK CASSETTE
