डोंगरी के तीर म गाड़ी झन लेगबे जोड़ीदार
डोंगरी के तीर म गाड़ी
झन लेगबे जोड़ीदार
ओती बैरी पवन लहराये रे
मोरे जिया बहुत घबराये रे
मोला जावन दे
नंदिया के तीर म गाड़ी
लेगत हौं जोड़ीदार
ओती झर झर नंदिया बोहाये या
मोरे जिया म आगी लगाये या
गाड़ी हाकन दे
जावन दे मोला जावन दे
दाई हा गारी दीही जावन दे
ऐ रे गड़ी ओ दिन काबर तैं मोला
नंदिया के तीर म बुलाये
थर थर कांपत रहिगे तैं हा
लाज म मुंहु ला छुपाये
मोला बतादे बही
मोला बता दे या
काबर बलाये रेहे
मोला बतादे ना
अब तो बाली उमर नई सहाये रे
कखरो सुरता म रतिहा पहाये रे
मोला जावन दे
जावन देना मोला जावन दे
दाई हा गारी दीही जावन दे
हाकन देना गाड़ी हाकन दे
नांहे नांहे रेहेन
दाई के कोरा में
अब तो जवानी बैरी आगे
दाई दीदी बरजे
झन जा अकेला
धक धक जिया मोरे लागे
जब ले मैं देखेव तोला
दिल धड़के तोर बर
सरी दुनिया हा संगी
माटी हे मोर बर
हो मया बिन बिरथा जिनगानी हे
जईसे मछरी हा तड़पे बिन पानी के
बही मया कर ले
जावन देना मोला जावन दे
दाई हा गारी दीही जावन दे
हाकन देना गाड़ी हाकन दे
हाकन देना गाड़ी हाकन दे
✍ लेखक: -
🎤 प्रस्तुतकर्ता: SUNDRANI
